Ad Banner
Ad Banner
Ad Banner
Ad Banner

Ballkani i kthehet fitoreve, mund Drenicën

15:04 | 1 Mars 2026
E.G

Ballkani i është kthyer fitoreve duke mundur Drenicën me rezultat minimal 1-0, të dielën në kuadër të javës së 22-të të Superligës së Kosovës në futboll.

Dueli mes suharekasve dhe drenicasve, ka dhuruar një përballje e luftuar, ku vendasit krijuan shumë raste shënimi që në pjesën e parë.

Nikoqirët regjistruan tetë goditje drejt portës së mysafirëve, por portieri Kenan Haxhihamza ishte në superformë, duke bërë pritje vendimtare që mbajtën rezultatin 0-0 deri në pushim.

Në fraksionin e dytë të kësaj sfidë, Drenica u përpoq të merrte kontrollin e lojës, por pa arritur të gjejë golin. Vendasit shfrytëzuan një mundësi në minutën e 78-të, kur braziliani Giovanni Ribeiro u gjend në vendin e duhur në zonë dhe shënoi për 1-0, duke i dhënë fitoren ekipit të tij.

Me këtë sukses, Ballkani rikthehet në krye të tabelës me 39 pikë, një më shumë se Drita që ka një ndeshje më pak të zhvilluar, kurse, Drenica mbetet në fund të renditjes me vetëm 21 pikë.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm